Жиззахда «Nexia» юк машинаси билан тўқнашиб, ёниб кетди
Жиззах вилоятида «Nexia» русумли автомашинанинг юк машинаси билан тўқнашуви натижасида ёнғин содир бўлди. Бу ҳақда Фавқулодда вазиятлар вазирлиги матбуот хизмати хабар берди.
Маълумотларга кўра, жорий йилнинг 5 январь куни Жиззах вилояти Фавқулодда вазиятлар бошқармасига М-39 Олмаота-Тошкент-Термиз автомобиль йўлининг 942-километрида автомобиль ёниб кетгани ҳақида хабар келиб тушган.
Қайд этилишича, воқеа жойига қутқарув отряди юборилган. Шунингдек, Сирдарё вилояти ИИБ Ёнғин-қутқарув хизматининг 1 та бўлинмаси воқеа жойига келган. Кўрилган тезкор чора-тадбирлар натижасида ёнғин тўлиқ ўчирилди.
Маълум бўлишича, ёнғин «Nexia» енгил автомобилининг юк машинаси билан тўқнашуви натижасида бошланган. Ҳодиса оқибатида ҳеч ким жабрланмади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг