Жанубий Кореянинг сайланган президенти Россияга босимни кучайтиришга чақирди
Архив сурат
Жанубий Кореянинг сайланган президенти Юн Сок Ёл Россияга босимни кучайтиришга чақирди.
«Жанубий Корея Украинадаги вазият туфайли Россияга қарши халқаро босим кампаниясида фаол иштирок этиши керак», дейди республиканинг сайланган президенти Юн Сок Ёл.
Сиёсатчининг сўзларига кўра, Сеул Киевга 10 миллион доллар ажратган, бу ҳар бир украиналик учун 20 центдан тўғри келади.
«Халқаро ҳамжамият кўпроқ иштирок этишимиз учун бизга мурожаат қилганда, биз ўз муносабатимизни яққол кўрсатишимиз керак, бу халқаро тартибни ҳурмат қилишдир», дейди сиёсатчи. У асосий эътиборни инсонпарварлик ёрдамига қаратишни тавсия қилди.
Юн Сок Ёл 10 май куни Жанубий Корея президенти лавозимига киришади.
Маълумки, Россия жорий йилнинг 24 февралидан бери Украинада «махсус ҳарбий операция» ўтказмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг