Янги инқироз: Ливанда кунига 20 соат электр ўчмоқда
Иқтисодий муаммолардан қийналаётган Ливанда янги инқироз кузатиляпти: мамлакат бўйлаб электр таъминотида 20 соатлаб узилиш бўляпти. Бунинг оқибатида аҳоли турли қийинчиликларга дуч келмоқда.
«Анадолу» агентлиги хабарига кўра, Ливан энергетика вазирлиги электр таъминотидаги узилишларнинг бир қатор сабаблари борлигини билдирган. Жумладан, электр станцияларида ишлатиш учун Жазоир ва Кувайтдан ёқилғи олиб келиш кечикяпти. Шунингдек, вазирлик хавотирга тушиб қолган аҳолининг ёқилғи ғамлаб қўйишга уриниши ҳам танқисликка сабаб бўлганини маълум қилди.
Инқироздан аввал пойтахт Байрутга кунига 22 соат, қолган ҳудудларга 12-14 соат электр берилаётган эди.
Эслатиб ўтамиз, айни пайтда Ливан ўз тарихидаги энг оғир иқтисодий инқирозларни бошдан ўтказяпти. Бу ерда маҳаллий валюта кун сайин қадрсизланиб бормоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг