Яна бир қитъада коронавирусга қарши оммавий эмлаш бошланди
24 декабрь куни Мексика, Чили ва Коста-Рикада коронавирусга қарши оммавий эмлаш бошланди. Бу ҳақда ВВС хабар бермоқда.
Шундай қилиб, Жанубий Америка аҳолиси коронавирусга қарши эмлашни бошлаган қитъалардан бирига айланди. Учала давлатда ҳам "Pfizer" ва "BioNTech" компаниялари препаратидан фойдаланилади. Маълум бўлишича, Мексика ҳукумати 2021 йилнинг биринчи чораги охирига қадар барча тиббиёт ходимларини эмлашни режалаштирмоқда.
Яқин кунларда Аргентинада ҳам коронавирусга қарши эмлаш бошланиши кутилмоқда. Аргентина Россиянинг “Спутник V” вакцинасидан фойдаланишни режалаштирмоқда. 24 декабрь куни мамлакатга 300 минг доза препарат келтирилган.
Аргентина ҳукумати 23 декабрда Россиянинг “Спутник V” вакцинасини рўйхатдан ўтказди. Бунгача мамлакат раҳбарлари 10 миллион доза “Спутник V” вакцинасини олиш тўғрисида шартнома имзолаганлар. Аргентина президенти Альберто Фернандеснинг сўзларига кўра, у вакцинани биринчи бўлиб қабул қилади. Шунингдек, Альберто Фернандес преперат сифатига шубҳа қилмаслигини маълум қилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг