Иллюстратив фото

Мексика президенти Андрес Мануэль Лопес Обрадор коронавирус инфекциясини юқтириб олган. Бу ҳақда сиёсатчи ўзининг «Твиттер»ида ёзган.

«Сизга менга COVID-19 ташхиси қўйилганлигини хабар қилаётганимдан афсусдаман. Симптомлар енгил, шунга қарамай даволаниш бошладим. Мен ҳар доимгидек некбинман. Барчамиз олдинга ҳаракат қиламиз», деб ёзган у.

Мексика раҳбари саломатлиги сабаб эрталабга белгиланган матбуот анжуманларини ўтказа олмаслигини, шунинг учун унинг ўрнини мамлакат ички ишлар вазири Ольга Санчес Кордеро эгаллашини билдирган.

Аввалроқ, Лопес Обрадор Россия президенти Владимир Путин билан телефон орқали мулоқот қилганини ҳақида хабарлар тарқалган эди. Давлатлар раҳбарлари икки томонлама муносабатларни муҳокама қилишиб, шунингдек, Россиянинг коронавирусга қарши «Спутник V» вакцинасини Мексикага етказиб бериш масаласини ҳам муҳокама қилган.

Мексика ҳукумати шу йилнинг январидан мартигача 7,4 миллион дозагача ана шу вакцинадан сотиб олмоқчи. Айни пайтда мамлакатда тиббиёт ходимларини "Pfizer" вакцинаси билан эмлаш тадбирлари олиб борилмоқда.