Яманда бир гуруҳ қуролланган шахслар БМТ ходимларини ўғирлаб кетишди
Фото: aa.com.tr
Яманда шанба куни БМТ гуманитар тузилмаларидан бирининг олти нафар ходими, жумладан бир нафар хорижлик ўғирлаб кетилди, дея хабар бермоқда «ТАСС».
"Yemen News" порталига кўра, улар мамлакат жанубидаги Абьян вилоятида Адан шаҳрига қайтаётганда бир гуруҳ қуролланган кишилар томонидан қўлга олинган. Улар билан бирга уларга ҳамроҳлик қилаётган ҳарбий полиция аскарлари номаълум томонга олиб кетилган.
Тахминларга кўра, экстремистлар аввалроқ Жанубий ўтиш кенгаши (ЖТК) кучлари томонидан ҳибсга олинган шерикларига гаровга олинганларни алмашиш бўйича музокаралар олиб бормоқчи. ЖТК аллақачон минтақада фаолият юритаётган жангариларни, жумладан «Ал-Қоида» террорчиларини қўллаб-қувватловчи «Мусулмон биродарлар» халқаро уюшмасини ушбу ҳодисага алоқадорликда айблаган.
БМТ вакиллари гуманитар вазиятни ўрганиш учун иш сафари билан Абьян вилоятига боришган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг