Венгрияда биринчи марта аёл киши президентликка сайланди
Фото: Каталин Новак/Ижтимоий тармоқ
Венгрия парламенти Каталин Новак мамлакатнинг янги президенти этиб сайлади. Шу тариқа у мамлакат тарихида президентликка сайланган биринчи аёл киши бўлди. Бу ҳақда М1 телеканали хабар бермоқда.
Манбага кўра, 199 депутатдан 137 нафари Каталин Новакка овоз берди. 44 ёшли Новак ҳозирда Оила, ёшлар ва халқаро алоқалар вазири лавозимида фаолият олиб бормоқда. Бунгача у мамлакат ташқи ишлар вазирлигида ишлаган.
Унинг рақиби мухолифат коалициясидан 79 ёшли номзод, иқтисодчи Питер Рона эди.
Новакнинг номзоди бош вазир Виктор Орбан бошчилигидаги ҳукмрон «Фидес-Венгрия фуқаролик иттифоқи» партияси томонидан илгари сурилган.
Маълумот ўрнида айтиб ўтамиз, Янош Адер 2012 йилдан бери Венгрия президенти лавозимида ишлаб келмоқда.
Амалдаги президент Адернинг ваколати 10 майда тугайди. У бу лавозимда кетма-кет икки беш йиллик муддат — республика конституцияси рухсат этилган максимал муддатда фаолият олиб борди.
Кеча Корея Республикасида бўлиб ўтган президентлик сайловларида мухолиф партия номзоди Юн Сук Ёл ғалаба қозонгани ҳақида хабар берган эдик.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг