Вашингтон Москванинг оммавий қирғин қуролларини қўллаш истагини билдирувчи ҳеч қандай аломат кўрмаяпти — АҚШ президентининг маслаҳатчиси
Фото: Reuters
Америка Қўшма Штатлари Украинада Россия билан эҳтимолий ҳарбий можаронинг кучайишини истамайди ва Украина ҳудудига ўз қўшинларини юбормоқчи эмас.
Ушбу фикрларни АҚШ президенти Жо Байденнинг маслаҳатчиси ва АҚШ Миллий хавфсизлик кенгашининг стратегик алоқалар бўйича координатори Жон Кирби айтиб ўтди.
«Биз Россия билан зиддиятга интилмаяпмиз ва президент Жо Байден буни жуда аниқ айтди. Бу борадаги позициямиз ўзгармади. Ҳеч ким бу можаро ядровий ўлчовга айланиб кетишини хоҳламайди ва биз бунга ҳеч қандай сабаб кўрмаяпмиз», дейди Кирби ва Қўшма Штатлар Киевни қўллаб-қувватлаш учун қўшин юбориш ниятида эмаслигини қўшимча қилиб.
Маслаҳатчининг таъкидлашича, Россия билан ядровий уруш барча томонлар учун фалокат демакдир. Шу билан бирга, у Вашингтон Москванинг оммавий қирғин қуролларини қўллаш истагини билдирувчи ҳеч қандай аломат кўрмаётганини таъкидлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг