Вакциналарга энг кўп ишонаётган мамлакатлар эълон қилинди
Иллюстратив фото
Вьетнам, Ҳиндистон ва Хитой аҳолиси CОVID-19 вакциналарига бўлган ишончи бўйича дунёда етакчилик қилмоқда.
Дунё мустақил бозор тадқиқотлари ва жамоатчилик фикри тармоғи (WIN) кенг кўламли сўров натижаларига кўра шундай хулосага келди. Натижалар ташкилотнинг расмий сайтида эълон қилинди.
Унга кўра, вакциналарга бўлган энг юқори ишонч даражаси Осиё-Тинч океани минтақасига тўғри келган. Вьетнамда коронавирусга қарши эмланишни истаётган фуқаролар кўрсаткичи 98 фоизга етган. Ҳиндистон ва Хитойда бу рақам 91 фоизни ташкил этган.
Европада эса Дания ва Финляндия ушбу рўйхатда етакчиларга айланишган. Ушбу давлатларда коронавирусга қарши эмланишни истаган фуқароларнинг улуши мос равишда 87 ва 81 фоизни ташкил қилган.
Аммо баъзи Европа мамлакатларида фоизлар нисбатан паст натижани кўрсатган. Масалан, Францияда иштирокларнинг 44 фоизи, Хорватияда 41 фоизи, Сербияда эса атиги 38 фоизи хасталикка қарши эмланишга тайёрлигини билдирган.
Ҳаммаси бўлиб, сўровда 32 мамлакатдан деярли 27 минг киши иштирок этган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг