Англия терма жамоаси мухлислари «Ўзбекистон ҳаво йўллари» самолётидан фойдаланди
«Ўзбекистон ҳаво йўллари» МАК кеча, 7 июль куни Лондон — Самара — Лондон йўналишида чартер қатновини амалга оширди. Бу ҳақдаги хабар компания расмий сайтида жойлаштирилган.
Кеча бўлиб ўтган Англия — Швеция ўйинига Лондондан 240 нафар мухлис ўзбек самолётида учиб келган. Уларнинг Лондонга қайтиши ҳам «Ўзбекистон ҳаво йўллари»га қарашли «Boeing 767» самолётида амалга оширилган.
6 июль куни бўлиб ўтган Франция ва Уругвай ўртасидаги ўйинга мухлисларни етказиш учун ҳам авиакомпания Сочи — Қозон йўналишида чартер қатновини амалга оширганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг