Украина биринчи хоними коронавирусни енгди
Фото: rbc.ru
Украина президенти Владимир Зеленскийнинг рафиқаси Елена Зеленская COVID-19 инфекциясидан фориғ бўлди ва касалхонадан чиқди. Бу ҳақда Президентнинг "Facebook"даги расмий саҳифасида маълум қилинди.
«Зеленская ўзини яхши ҳис этмоқда ва яна оиласи бағрига қайтганидан бахтли. COVID-19ъни енгиб ўтган Елена икки томонлама пневмония касаллиги асоратларидан даволанишни давом эттиради ва уй шароитида муолажа олади», – дейилган хабарда.
Эслатиб ўтамиз, 12 июнда Елена Зеленскаянинг коронавирус юқтириб олгани хабар қилинганди. 16 июнда Украина биринчи хоними икки томонлама полисегмент пневмония ташхиси билан касалхонага ётқизилган, Владимир Зеленский рафиқаси коронавирусга чалингани туфайли махсус иш режимига ўтганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг