Twitter Трампни блокдан чиқарди
AҚШнинг амалдаги президенти Доналд Трамп 7 январь куни Twitter'да ижтимоий тармоқдан фойдаланиш қоидаларини бузгани сабаб блокланган эди. У 8 январь куни блокдан чиқарилди ва биринчи твитини эълон қилди.
Ушбу видеомурожаатда Трамп Вашингтонда бўлиб ўтган тартибсизлик ва зўравонликларни қоралади ҳамда ўз ваколатларини мамлакатнинг сайланган президенти Жо Байденга топширишини айтди.
Маълумот учун, Twitter Трампнинг аккаунтини блоклаб қўйган эди. Блок очилиши учун Aмерика раҳбари сўнгги учта постни ўчирилиши шартлиги билдирилди. Aкс ҳолда, ижтимоий тармоқ вакиллари аккаунтни бутунлай блок қилиш билан таҳдид қилишди. Трамп ушбу твитларни ўчириб ташлаб, талабни бажарди.
Эслатиб ўтамиз, Трампнинг Facebook, Instagram, Snapchat ва Twitch аккаунтлари ҳам блокланган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг