Туркия беҳисидан юртимизда мўл ҳосил олиш мумкинми?!
Қува туманида жойлашган томорқа ер участкаларини ривожлантириш республика илмий-амалий маркази тасарруфидаги 6 гектар беҳизор ижара асосида миришкор боғбонларга ажратиб берилган.
Бу боғда шарбатга тўлиб пишган 400-500 тонна беҳи Россияга экспорт қилиниб, бир гектар ердан 200-250 миллион сўмгача даромад олинмоқда.
Марказ раҳбари Зафаржон Мамасолиев жорий йилнинг февраль ойида Туркияда боғдорчилик тажрибасини ўрганиб, 1250 туп беҳи кўчати олиб келди ва 2 гектар ерда интенсив боғ яратилди. Туркиялик ҳамкорлар билан биргаликда 2021 йилда марказ қошида жаҳон андозаларига мос лаборатория ва мевани қайта ишлаш цехи барпо этиш режалаштирилган.
— Туркия беҳи нави маҳаллий навларимизга нисбатан касалликка кам чалинади, жуда ҳам серҳосил, —дейди З.Мамасолиев. — Экспортбоплиги туфайли келажакда худди гилос, шафтоли, ўрик сингари беҳидан ҳам катта даромад олиш мумкин.
Б. Мадиёров,
«Халқ сўзи».
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг