Европа Парламенти депутати Яак Медисон АҚШнинг собиқ президенти Дональд Трампни тинчлик учун Нобель мукофотига номзод сифатида кўрсатди.

Медисоннинг айтишича, Трамп сўнгги 30 йил ичида АҚШнинг янги урушларни бошламаган биринчи президенти бўлган. Бундан ташқари, у дунёнинг айрим минтақаларида тинчлик ва барқарорликни таъминлашга ёрдам берган бир қатор шартномаларни имзолаган. Депутатнинг таъкидича, бунга араб давлатлари ва Исроил ўртасидаги муносабатларни нормаллаштириш бўйича келишувларни мисол сифатида кўрсатиш мумкин.

"Нобель мукофотига номзодлар Европа парламенти аъзолари томонидан ҳам кўрсатилиши мумкинлиги боис мен бу имкониятдан фойдаландим", деб ёзган Медисон ўзининг "Фейсбук"даги саҳифасида.

2020 йилнинг 11 сентябрь куни АҚШ ва Сербия президентлари маъмуриятлари ҳамда Косова ҳукумати Трампни тинчлик учун Нобель мукофотига номзод сифатида кўрсатган эди. Ўшанда ташаббус муаллифлари АҚШ президенти Исроил ва Бирлашган Араб Амирликларини яраштиргани, Сербия ва қисман тан олинган Косово республикаси ўртасидаги муносабатларни нормаллаштиргани учун мукофотланиши керак, деб ҳисоблашишини билдирган эди.