Трамп кетаётган самолёт носозлик юзага келганлиги сабабли фавқулодда қўнишга мажбур бўлди
Фото: AP
Бортида АҚШнинг собиқ президенти Дональд Трамп бўлган самолёт Мексика кўрфази устидаги ҳаво ҳудудида двигателида юзага келган носозлик сабабли Нью-Орлеанга фавқулодда қўнишга мажбур бўлди. Бу ҳақда "The Washington Post" нашри хабар бермоқда.
Ҳодиса 5 март куни содир бўлган. Трамп Нью-Орлеандан Флоридага учиб кетаётган бўлган.
Нашрнинг қайд этишича, Американинг собиқ президенти учган самолёт АҚШ Республикачилар партиясининг асосий донорларидан бирига тегишли. Трамп унинг аъзоларидан бири ҳисобланади. Самолёт хавфсиз қўнганидан бир неча соат ўтгач, собиқ президент Флоридага бошқа самолётда учиб кетган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг