Трамп энди Нобель тинчлик мукофоти ҳақида гапиришни истамаслигини айтди
АҚШ Президенти Дональд Трамп Нобель тинчлик мукофотини олиш ҳақида бошқа гапиришни истамаслигини билдирди. Бу ҳақда у “Washington Examiner” журналига берган интервьюсида айтиб ўтди.
Америка етакчиси хорижий давлатлар раҳбарлари билан яқин орадаги суҳбатлари давомида ушбу мукофотни олиш масаласини муҳокама қилгани ҳақидаги саволга қуйидагича жавоб берди:
“Билмадим. Мен бунга қизиқмайман. Йўқ. Мен Нобель мукофоти ҳақида гапирмаяпман“.
Дональд Трампнинг ушбу изоҳи АҚШ ва Исроилнинг 28 февраль куни бошланган Эронга қарши ҳарбий операцияси фонида янгради.
Эслатиб ўтамиз, аввалроқ Америка етакчиси Нобель тинчлик мукофотига лойиқ эканини бир неча бор таъкидлаган эди. 2025 йилда ушбу мукофот Венесуэла мухолифати етакчиси Мария Корина Мачадога берилган эди. Мачадо Трамп билан учрашувда ушбу мукофотга айнан Трамп лойиқлигини айтиб, Нобель медалини унга топширган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг