Трамп АҚШ Эрон электр тизимини бир соат ичида йўқ қилиши мумкинлигини айтди
АҚШ президенти Дональд Трамп Ислом республикасига қарши жанговар ҳаракатлар авж олган тақдирда, Эрон электр энергетика тизимини бир соат ичида йўқ қилиш билан таҳдид қилди. Унинг сўзларидан ТАСС иқтибос келтирмоқда.
— Биз Теҳрон ва бошқа ҳудудларга зарба беришимиз мумкин. Агар бу содир бўлса, улар учун мамлакатни қайта тиклашнинг деярли имкони бўлмайди. Лекин биз буни хоҳламаймиз, — деди Америка етакчиси журналистларга.
Республикачининг қўшимча қилишича, АҚШ айни дамда Эроннинг электр тизимига ҳам зарба беришга қодир.
— Биз уларнинг электр тизимини бир соат ичида чилпарчин қилишимиз мумкин. Уни қайта тиклаш учун эса уларга 25 йил керак бўлади, — деб таъкидлади Трамп.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг