Тошкентдаги омборлардан бирида йирик ёнғин юз берди
Видеодан кадр
Тошкент шаҳрининг Сергели туманида омборда ёнғин содир бўлди. Бу ҳақда ФВВ матбуот хизмати хабар берди.
Маълум қилинишича, бугун, 14 май куни соат 11:03 да пойтахтнинг Сергели тумани Нилуфар кўчасида жойлашган омборхонада ёнғин бўлаётгани тўғрисида ФВБга мурожаат келиб тушган.
Шунга асосан 12 та ёнғин-қутқарув экипажлари соат 11:05 да ҳодиса жойига етиб борган. Ёнғин соат 12:15 да қуршаб олинган ва 13:31 да батамом ўчирилган.
Воқеа жойига Фавқулодда вазиятлар вазири Ботир Қудратхўжаев ва вазирнинг биринчи ўринбосари Санжар Зупаров ҳам етиб борган.
Қайд этилишича, ҳодиса оқибатида тан жароҳати олганлар тўғрисида маълумот келиб тушмаган. Айни пайтда ёнғинни келтириб чиқарган сабаблар ҳамда етказилган зарар миқдори аниқланмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг