Тошкентда электрон реклама пештахтаси ёниб кетди
Тошкент шаҳрининг Яккасарой туманида электрон пештахтада ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, бугун, 16 сентябрь куни соат 07:26 да Яккасарой тумани, Шота Руставели кўчасида электрон реклама пештахтаси ёнаётгани тўғрисида ФВБга хабар тушган.
Шунга кўра, ёнғин-қутқарув техникалари айтилган манзилга соат 07:31 да етиб бориб, ёнғин соат 07:40 да ўчирилган.
Билдирилишича, ёнғин оқибатида жароҳат олганлар йўқ.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг