Тошкент шаҳар ҳокимлигига 190 гектар ер майдони беғараз ўтказиб берилди
Тошкент шаҳар ҳокимлигига Мирзо Улуғбек туманидаги Улуғбек маҳалласида жойлашган ер участкаси беғараз ўтказиб берилди.
Тегишли ҳужжатда айтилишича, Ўзбекистон Фанлар академияси 190 гектар майдонга эга бўлган ер участкасидан ихтиёрий равишда воз кечган ва уни давлат захирасига топширган.
Пойтахт ҳокими Шавкат Умурзоқов мазкур ер участкасини бўш турган ҳамда маъмурият тасарруфидаги ер сифатида ҳисобга олиш тўғрисида қарор қабул қилди.
Маълумотларга кўра, ушбу ҳудудда дендрология боғини (дендропарк) ташкил этиш режалаштирилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг