Тўртта тур компания ноқонуний реклама тарқатгани учун жаримага тортилди
Иллюстратив фото
Бухоро, Фарғона, Жиззах вилоятлари ва Тошкент шаҳрида 4 та туроператор реклама тўғрисидаги қонунни бузгани аниқланди. Бу ҳақда Рақобат қўмитаси маълум қилди.
Унга кўра, юқоридаги тўрт ҳудудда «Nature Travel», «Muslim Fayzi Obod», «Al-Bukhayr Travel Tours», «Naqqosh Tour» туроператорлари томонидан лицензия ҳужжатлари мавжуд бўлмаган ҳолда рекламалар жойлаштирилганлиги аниқланиб, белгиланган тартибда иш қўзғатилди ва молиявий жарималар қўлланилди.
Шунингдек, Фарғона вилояти ва Тошкент шаҳри ҳудудий бошқармалари томонидан ўтказилган ўрганишларда 11 та “Telegram” канал ва «Emir Voyega» МЧЖ томонидан берилган рекламаларда ҳам қонун бузилиши ҳолатлари аниқланиб, масъул шахслар маъмурий жавобгарликка тортилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг