ТДЮУнинг янги логотипи яратилди
Мазкур логотипни яратишда кўплаб таниқли дизайнерлар, университет профессор-ўқитувчилари ва талабаларининг ғоялари, таклифлари ва фикрларидан фойдаланилди.
Кўплаб ижодкорлар университет логотипи учун ўз ижодий ишларини тақдим этди. Ниҳоят, университет томонидан улар орасидан энг креатив, қизиқарли ва замонавий логотип танланди.
Янги логотип икки қисм: эмблема ва ёзувдан иборат.
Логотипнинг эмблема қисми қалқон шаклига келтирилган “TSUL” (Tashkent state university of law) ёзувини ифодалайди. Шу билан бирга қалқоннинг тепа қисмида очилган китобнинг тасвири туширилган бўлиб, у ушбу логотип таълим муассасасига тегишли эканини ифодалайди.
Кейинги қисмда эса, университетнинг расмий номи, яъни «ТОШКEНТ ДAВЛAТ ЮРИДИК УНИВEРСИТEТИ» ёзуви акс этган.
Янги логотипнинг базавий ранги кўк бўлиб, уни заруратга қараб ўзгартириш мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг