Фото: РИА «Новости»

Америка Қўшма Штатларда тарихда биринчи марта бир вақтнинг ўзида инсонга иккита чўчқа буйраги кўчириб ўтказилди. Трансплантация қилишдан олдин ҳайвоннинг геноми тузатилди, инсон иммунитет тизими томонидан рад этишга олиб келадиган жойлар олиб ташланган.

Чет аъзоларни рад этадиган инсон иммунитети узоқ вақтдан бери трансплантологиянинг асосий муаммоларидан бири бўлиб келган. Генетиклар кейинги йилларда «дўст ёки душман»ни аниқлаш тизимининг ишлаши учун масъул бўлган генларни қандай олиб ташлашни ўрганишди.

Шу тариқа улар чўчқанинг юрагини маймунга, кейин эса ўта оғир касал одамга кўчириб ўтказишга муваффақ бўлишди.

Энди мияси ўлган 57 ёшли эркакка бир вақтнинг ўзида иккита чўчқа буйраги кўчириб ўтказилди. У комага тушиб қолган эди. Аммо бунгача бемор ўз танаси ва аъзоларини фан манфаати учун хайрия қилган. Олимлар экспериментал операция ўтказиш учун унинг қариндошларидан ҳам розилик олишди.

Операция муваффақиятли ўтган. Иккала орган ҳам жарроҳлик операциясидан ярим соат ўтгач қонни заҳарли моддалардан тозалашни бошлаган.

Аввалроқ АҚШда биринчи марта чўчқа юраги инсонга муваффақиятли трансплантация қилинган эди.