Сув фильтрларини ишлаб чиқариш лойиҳаси йўлга қўйилди
Ромитан инновацион туманидаги “Навбаҳор” МФЙда “Турон комплект” МЧЖ томонидан амалга оширилаётган “Тескари осмос технологияси сув фильтрларини ишлаб чиқариш” лойиҳаси йўлга қўйилган.
Лойиҳа Инновацион ривожланиш вазирлиги томонидан 1,338 млн. сўмга молиялаштирилган. Ҳозирги кунда лойиҳа тўлиқ ишга туширилган бўлиб, у Хитой, Туркия ва Европа давлатларида ишлаб чиқарилган технологиялардан сифати билан рақобат қила олади ва нархи арзонлиги билан ажралиб туради.
Бундан ташқари, маҳсулотларни Қозоғистон ва Тожикистон Республикаларига экспорт қилиш бўйича 900 млн. сўмга яқин экспорт шартномалари имзоланган.
— Корхона томонидан техник хизмат кўрсатиш ҳам ташкил қилинган бўлиб, Республикамизнинг йирик саноат корхоналарида ўрнатилган сув фильтрлари ўрнатиш билан биргаликда уларга техник хизмат кўрсатиб келинмоқда, — дейди “Турон комплект” МЧЖ раҳбари Жамшид Собиров.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг