Сирдарёда 2 миллиард сўмдан ортиқ маблағни ўғирлаган кибержиноятчи қўлга олинди
Ўзбекистоннинг турли ҳудудларида яшовчи 200 дан ортиқ фуқаронинг банк карталаридан пул ўғирлаган йигит қўлга олинди. Бу ҳақда ИИВ матбуот хизмати хабар бермоқда.
Тезкор-қидирув тадбирлари давомида Сирдарё вилоятида яшовчи фуқаро йирик кибержиноят содир этгани аниқланди.
Йигит жабрланувчиларнинг телефонларига кириш ҳуқуқини қўлга киритиш учун Telegram орқали тарқатиладиган зарарли APK-файлларидан фойдаланган. Шундан сўнг, у банк карталарига боғланган маълумотлар ёрдамида пулларни ноқонуний равишда ўзлаштирган.
Қайд этилишича, унинг хатти-ҳаракатларидан 200 дан ортиқ фуқаро жабр кўрган. Етказилган моддий зарар миқдори 2 миллиард сўмдан ошиб кетган.
Жами 121 та кибержиноят содир этган гумонланувчи қўлга олиниб, қамоққа олинди.
Мазкур ҳолат юзасидан Жиноят кодексининг 169-моддаси (ўғрилик) 3-қисми «б» банди билан жиноят иши қўзғатилган, ҳозирда тергов ҳаракатлари олиб борилмоқда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг