Шавкат Мирзиёев Мьянма раҳбарига ҳамдардлик мактуби йўллади
Ўзбекистон Республикаси Президенти Шавкат Мирзиёев Мьянма Иттифоқи Республикаси Давлат кенгаши раиси, генерал Мин Аун Хлайнгга Мьянмада юз берган кучли зилзила оқибатида кўплаб инсонларнинг ҳалок бўлгани ва жароҳатлангани, шунингдек, жиддий талофатлар юзага келгани муносабати билан ҳамдардлик билдирди.
Бу ҳақида Ўзбекистоннинг Бангкок шаҳридаги Бош консулхонаси хабар берди.
Давлатимиз раҳбари ушбу оғир ва мусибатли дамларда ҳалок бўлганларнинг оила аъзолари ва яқинларига, шунингдек, Мьянма халқига чуқур ҳамдардлик изҳор этиб, жароҳат олганлар тез фурсатда соғайиб кетишини тилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг