Олий Мажлис Қонунчилик палатаси мажлисида депутатлар «Ер тўғрисидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонун лойиҳасини биринчи ўқишда концептуал жиҳатдан кўриб чиқилди.

Мазкур қонун лойиҳаси билан Ўзбекистон Республикасининг Фуқаролик кодексига сервитут шартлари, сервитут белгиланган ер участкасини бўлиш, сервитут белгиланган ер участкасида қурилмаларни сақлаш каби қоидалар киритилмоқда.

Шу билан бирга, Ўзбекистон Республикасининг Ер кодекси ер участкасига нисбатан сервитут белгилаш тўғрисида келишув, ер участкасига нисбатан сервитут белгилаш тўғрисида келишиш тартиби, сервитут тўғрисидаги келишув иштирокчиларининг ҳуқуқ ва мажбуриятлари белгиланмоқда.

Бундан ташқари, ер участкаларини ажратмасдан ва сервитут белгиламасдан ердан фойдаланиш, оммавий сервитут учун ҳақ тўлаш, оммавий сервитут эгаларининг ҳуқуқ ва мажбуриятлари, оммавий сервитутни бекор қилиш асослари ва бошқа қоидалар билан тўлдирилмоқда.

Халқ вакиллари таъкидлашича, қонун лойиҳаси ер участкалари ижара турларининг ўзига хос хусусиятларини белгилаган ҳолда, уларни гаровга қўйиш ҳамда ижара ҳуқуқини бошқа шахсга ўтказиш билан боғлиқ муносабатларни тартибга солади.

Мажлисда қонун лойиҳаси депутатлар томонидан қабул қилинди.