Сенати Раисининг биринчи ўринбосари Содиқ Сафоев Туркий инвестиция жамғармаси президенти Багдат Амреевни қабул қилди
28-апрель куни Олий Мажлис Сенати Раисининг биринчи ўринбосари Содиқ Сафоев Тошкент халқаро инвестиция форумида иштирок этиш учун келган Туркий инвестиция жамғармаси президенти Багдат Амреев билан учрашди.
Учрашувда Тошкентда бўлиб ўтаётган иккинчи халқаро инвестиция форуми ҳамда Ўзбекистон ва Туркий давлатлар ташкилоти ўртасидаги ҳамкорлик юзасидан фикр алмашилди.
Б.Амреев сўнгги йилларда Ўзбекистонда инвестициявий муҳитнинг жалб этувчанлиги ортганини таъкидлаб, инвесторларни жалб этиш учун берилаётган имтиёз ва яратилаётган имкониятларга алоҳида тўхталди.
Шунингдек, Ўзбекистон Туркий давлатлар ташкилотининг фаолиятида муҳим ўрин тутишини ҳамда Ташкилот ишидаги фаол иштирокини эътироф этди.
Бундан ташқари, Б.Амреев алоҳида аҳамиятга эга бўлган муҳим сиёсий тадбир – референдумга тайёргарлик ишларини юқори баҳолади.
Учрашув сўнггида Ўзбекистон ва Туркий инвестиция жамғармаси ўртасидаги кўп қиррали ҳамкорлик алоқаларини янада ривожлантириш бўйича келишувга эришилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг