Сенат Раиси: "ОАВ ва ижтимоий тармоқларда кўплаб муаммолар муҳокама қилинмоқда. Лекин Омбудсман бирорта ҳам масалага муносабат билдирмайди"
— Одам савдоси ва мажбурий меҳнатга қарши курашиш бўйича ҳамда Коррупцияга қарши курашиш бўйича комиссиялар билан Омбудсман фаол ҳамкорлик қилиши керак, — деди Сенат Раиси Танзила Нарбаева. — Афсуски, ҳозир фақатгина комиссиялар тадбирларида иштирок этиш билангина чекланиб қолинмоқда.
Бу борада аҳоли дуч келаётган муаммолар бўйича комиссияларга таклиф киритиш керак. Ички ишлар ёки Бош прокуратурага сўров юбориб кутиб ўтириш эмас, балки комиссияларга кўриб чиқиш учун масала киритиш керак.
Комиссиялар билан ҳамкорлик етарли эмас.
... ОАВда Омбудсман роли мутлақо сезилмайди. 2019 йилда ОАВда атиги 74 та чиқиш қилинган, холос. Халқ сизларни билмайди, танимайди.
ОАВ ва ижтимоий тармоқларда кўплаб муаммолар муҳокама қилинмоқда. Лекин Омбудсман бирорта ҳам масалага муносабат билдирмайди. Шу боис, ОАВ билан ҳамкорликни тубдан ўзгартириш керак.
Бизнинг қўмиталар, сенаторлар ҳам четда кузатувчи бўлиб турмасдан, Омбудсман фаолиятини кучайтиришга кўмаклашиши зарур.
Зеро, Омбудсман Парламентнинг инсон ҳуқуқлари бўйича Вакили ҳисобланади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг