Сардоба, Оқолтин ва Мирзаобод туманларининг 12 та аҳоли пунктида электр таъминоти тўлиқ тикланди
Сирдаёр вилоятининг Сардоба, Оқолтин ва Мирзаобод туманларида олиб борилган чора-тадбирлар натижасида, бугунги кунга қадар 3 дона подстанция, 92 дона трансформатор пункти ва 273,0 км электр узатиш тармоқларида (4 963 та электр устунлар) таъмирлаш тиклаш ишлари олиб борилиб, тўлиқ ишга туширилди. Бу ҳақда Энергетика вазирлиги хабар берди.
Натижада 7 987 та электр таъминоти узилган аҳоли хонадонларидан (сув етиб бормаган ҳудудлар аҳолисини хавфсизлик учун электр таъминотидан узиб қўйилганлар билан 12 000 дан ортиқ) 7 987 таси ҳам электр энергия билан таъминланди.
Шунингдек, сув тошқини натижасида талофат кўрган 12 та аҳоли пунктида электр ускуналарга талофат етган эди. Бугунги кунда мазкур 12 та аҳоли пункти барқарор электр энергияси билан таъминланди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг