"Samsung" бутун дунё бўйлаб телевизорларни блокировка қилиш механизмини яратди
"Samsung“ бутун дунё бўйлаб ўғирланган телевизорларни блокировка қила оладиган («ТV Bloc") технологиясини тақдим этди.
Янги функция хавфсизликни таъминлайди ва телевизорлар ўғирланишини камайтиради. Қурилма қонуний эгаларига фақат сотиб олишни тасдиқловчи ҳужжати бўлган тақдирда тақдим этилади.
Компания "ТV Bloc"нинг ишлаш механизмини тушунтирди: телевизор интернетга улангандан сўнг, махсус алгоритм ўғирланган ёки ноқонуний сотилган маҳсулотлар рўйхатидаги қурилманинг серия рақамини текширади. Рақамлар бир-бирига мос келганда дастур телевизорнинг ноқонуний равишда қўлга олинганлигини аниқлайди ва кейин автоматик равишда унинг барча функцияларини ўчиради.
"ТV Bloc" 2020 йил июлда Жанубий Aфрика Республикасидаги дўконлар талон-тарож қилинганидан сўнг муваффақиятли синовдан ўтказилганди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг