Самарқандда эрини тириклайин ёқиб юборган аёлга ҳукм ўқилди
Самарқандда эрини тириклайин ёқиб юборган аёлга ҳукм чиқарилди. Бу ҳақда Олий суд матбуот хизмати хабар берди.
Қайд этилишича, эр-хотин ўртасида тез-тез жанжал бўлиб турган. Айбланувчининг сўзларига кўра, яқинда эркак пул ишлашни тўхтатиб, хотинини хиёнатда айблай бошлаган.
Воқеа содир бўлган куни эркак аёлга шапалоқ урган. Шундан сўнг айбланувчи ухлаб ётган эрининг қўл-оёғини боғлаб, унга бензин сепиб, ёқиб юборган.
«Ўғлимни ўлдираман, деди. Мен 1,5 литр бензин олиб, устига қуйдим ва ёқиб юбордим», — деган айбланувчи.
Аёл Жиноят кодексининг 97-моддаси 2-қисми «в, э, г» бандлари (қасддан одам ўлдириш) билан айбдор деб топилди. У 12 йилга озодликдан маҳрум қилинди, у жазони умумий режимли колонияда ўтайди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг