«Салоҳиятли кадрлар резерви» учун номзодларни саралаш бошланди
Давлатимиз раҳбари 4 август куни соҳага оид ўтказган йиғилишларида йил якунига қадар Салоҳиятли кадрлар резерви учун ҳоким ёрдамчилари ва ёшлар етакчилари орасидан 1 минг нафар номзодни танлаб, таклифлар киритиш топшириғини берганди.
Давлат хизматини ривожлантириш агентлиги ахборот хизмати маълум қилишича, жараён бошланган.
Ўрта Чирчиқ тумани ҳокимлигида тумандаги маҳаллаларда фаолият юритаётган ҳоким ёрдамчиларининг 2022 йил ярим йиллик натижалари таҳлил қилинди.
Унда агентлик раҳбарияти, масъул вакиллари, туман ҳокими, тегишли мутасаддилар ва ҳоким ёрдамчилари иштирок этди.
Учрашувда юқори ва паст кўрсаткичлардаги ҳоким ёрдамчилари фаолияти таҳлил қилинди. Фикрлари тингланди. Тизимдаги мавжуд муаммолар ва ечимлари бўйича фикр-мулоҳазалар алмашилди.
Шунингдек, давлат хизматчиларига «Салоҳиятли кадрлар резерви» учун номзодларни саралаш ишлари олиб борилаётганлиги маълум қилинди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг