Россияликлар овқатланишда «ўзларини чеклашни» ўрганиши керак, чунки аҳолининг ярмидан кўпи аллақачон ортиқча вазнга эга, дейди Россия Фанлар академиясининг академиги, Озиқлантириш, биотехнология ва озиқ-овқат хавфсизлиги федерал тадқиқот маркази илмий раҳбари Виктор Тутельян.

Унинг сўзларига кўра, Россия фуқароларининг 25 фоизигача биринчи, иккинчи, учинчи даражали семизлар, 60 фоизи эса ортиқча вазнга эга.

«Бунинг ортидан юрак-қон томир касалликлари, қандли диабет, яъни ўлимнинг асосий сабаби, умр кўриш давомийлиги пасайиши кузатилмоқда», - дея Тутельяннинг сўзларидан иқтибос келтиради «Интерфакс».

Олимнинг сўзларига кўра, аҳоли учун иккинчи муаммо бу ортиқча калория фонидаги микронутриентлар (озиқ-овқат таркибидаги витаминлар ва минераллар) етишмаслиги экан. «Ва биринчи муаммога, семиришга қарши курашиш билан, рационни қисқартириш билан биз иккинчи қисмни, микронутриентлар етишмовчилигини масаласини келиб чиқишини кучайтирмоқдамиз. Шу билан бирга, ҳатто идеал рациондан ҳам керакли микронутриентларни олиш имкониятини деярли йўқотиб қўймоқдамиз», – деди Тутельян.

Тутельяннинг таъкидлашича, «киши ўзини тийишни билиши керак, қанча овқат есанг – шунча кўп пул сарфлашинг керак» ва витаминлар ҳақида унутмаслик керак экан. Унинг сўзларига кўра, Институт томонидан 2009 йилда ёшга ва жинсга қараб гуруҳларнинг овқатланиш эҳтиёжлари аниқланган ва ҳозирда ушбу ҳужжатни янгиланган варианти тайёрланмоқда.