Фото: Россия ТИВ

Россия ташқи ишлар вазири Сергей Лавров Европа Иттифоқини ишончсиз шерик деб атади.

Ташқи ишлар вазирининг таъкидлашича, Россияни SWIFT халқаро тўлов тизимидан узиш таҳдидлари Европа ҳокимият органларининг Москва билан муносабатларда ишончсизлигининг яна бир далилидир.

Аввалроқ, Россия ТИВ иқтисодий ҳамкорлик бошқармаси бошлиғи Дмитрий Биричевский Россия томони аллақачон муқобил SWIFT тизимини яратиш устида иш олиб бораётганини айтган эди. Унинг аниқлик киритишича, ҳозирча Россияни ўчириб қўйиш ҳақида гап кетмаяпти, аммо вазиятнинг олдиндан айтиб бўлмайдиганлигини ҳисобга олиб, бунга тайёргарлик кўриш жуда зарур.

Апрель ойида Европарламент Украина билан зиддият юзага келганда Россияга қарши чораларни тартибга солувчи резолюция қабул қилди. Ҳужжатда ҳарбий ҳаракатлар бошланган тақдирда, Европа Иттифоқи Россиядан нефть ва газ импортини тўхтатиш, мамлакатни SWIFTдан узиш кабилар кўзда тутилган.

SWIFT — бу банклар ўртасида маълумот узатиш ва тўловларни амалга оширадиган халқаро тизим. Унга 200 мамлакатда 11 мингдан ортиқ йирик ташкилотлар уланган. Россия тизимнинг энг фаол иштирокчиларидан биридир.