“Рома” истеъфога чиқарилган Жозе Моурино ўрнига янги мураббий тайинлади
Фото: AP
Италиянинг “Рома” клубининг собиқ футболчиси Даниеле Де Росси жамоа бош мураббийи лавозимини эгаллади.
Клуб матбуот хизмати хабарига кўра, 40 ёшли мутахассис билан тузилган шартнома жорий йилнинг 30 июнига қадар амал қилади.
Шу тариқа Де Росси сешанба куни истеъфога чиққан 60 ёшли Жозе Моуринонинг ўрнини эгаллади.
“Рома”даги 18 йиллик футболчилик фаолиятидан сўнг Де Росси Аргентинанинг “Бока Хуниорс” жамоасига ўтди ва у ерда қисқа вақт ўтказди. Кейин эса мураббийлик фаолиятини бошлади. 2022 йилда у Италиянинг СПАЛ жамоасини бошқарди.
“Рома” таркибида Де Росси икки марта Италия кубоги ва бир марта Суперкубогини қўлга киритган. “Бока Хуниорс” билан Аргентина чемпиони бўлган.
Италия терма жамоаси таркибида 2006 йилда жаҳон чемпионатида ғолиб чиққанди.
“Рома” айни пайтда Италия чемпионатининг турнир жадвалида 9-ўринни эгаллаб турибди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг