Reuters: Эрон Олий раҳнамоси АҚШнинг музокаралар бўйича таклифини рад этди
Эрон Олий раҳнамоси Мужтабо Хоманаий АҚШ билан низода ўт очишни тўхтатиш ёки ҳеч бўлмаганда эскалацияни камайтириш ҳақидаги таклифни рад этди. Бу ҳақда Reuters агентлиги хабар бермоқда.
Исми ошкор этилмаган эронлик мулозимнинг сўзларига кўра, иккита воситачи давлат тегишли таклифни Ислом Республикасига етказган.
Reutersнинг ёзишича, Мужтабо Хоманаий тайинланганидан кейинги ташқи сиёсатга бағишланган илк йиғилишда унинг АҚШ ва Исроилдан қасд олиш истаги «жуда қатъий ва жиддий» бўлиб кўринган. Хоманаийнинг ушбу йиғилишда шахсан иштирок этгани ёки этмаганига аниқлик киритилмаган.
Эслатма: Бундан аввал Эрон Ташқи ишлар вазири Аббос Ароқчи АҚШ президентининг махсус вакили Стив Уиткофф билан тўғридан-тўғри алоқада эмаслигини маълум қилган эди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг