"Renault" учар автомобилни намойиш қилди
Фото: Mathieu CESAR/TheArsenale/Renault
"Renault" компанияси "Air4" учар машинасини тақдим этди. Автомобиль "Renault 4L" моделининг 60 йиллиги муносабати билан "The Arsenale Motion Design Center" билан биргаликда ишлаб чиқилган.
"Air4" умумий қуввати 90 000 мА/соат бўлган 22 000 мА/соат литий-полимер аккумуляторлардан қувват олади. Автомобилнинг максимал горизонталь тезлиги 26 м/с, парвоз пайтида эгилиши 45°, максимал эгилиши 70° тенг.
"Air4" 700 метр баландликка кўтарила олади. Кўтарилиш тезлиги 14 м/с га етиши мумкин. Лекин хавфсизлик нуқтаи назаридан у 4 м/с билан чекланган, қўниш тезлиги эса 3 м/с.
Кўргазма Парижда "Renault Atelier"да йил охиригача ”Renault 4"нинг бошқа тарихий версиялари билан бирга намойиш этилади. "Air4" келаси йили Маями, Нью-Йорк ва Макаода тақдим этилади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг