Ижтимоий тармоқларда аёл киши катта тезликда ҳаракатланиб кетаётган «Damas» русумли автомашина ойнасидан танасини чиқариб ноўрин хатти-ҳаракатлар қилгани тасвирланган видео тарқалди. Ҳолат юзасидан Андижон вилояти ИИБ ЖХХ ЙҲХБ муносабат билдирди.
Маълум қилинишича, жорий йилнинг 16 июнь куни соат 13:50 ларда, Андижон тумани Бўтақора қишлоғидан ўтган автомобиль йўлида 24 ёшли Ш.А. ўзининг «Damas» русумли транспорт воситасида ҳаракатланиб кетаётган вақтида, ушбу машинада йўловчи сифатида кетаётган 2008 йилда туғилган В.З. транспорт воситасининг салон қисмидан танасини чиқариб, аёл кишига хос бўлмаган ноўрин хатти-ҳаракатлар қилган.
Манбага кўра, мазкур ҳолат юзасидан ўтказилган тезкор суриштирув ишлари давомида қоидабузар шахслар аниқланиб, уларга қонун доирасида тегишли тартибда чора кўрилган ва профилактик тушунтириш ишлари олиб борилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг