Қирғизистонга катта миқдорда кокаин олиб кирмоқчи бўлган шахс қўлга олинди
Иллюстратив фото
Қирғизистонга ошқозонида 50 та пакетчада кокаин билан учиб келган республика фуқароси қўлга олинди. Бу ҳақда Қирғизистон Ички ишлар вазирлиги матбуот хизмати хабар берди.
Қайд этилишича, 36 ёшли эркак Германиядан келганида қўлга олинган. Унинг ошқозонида умумий оғирлиги 300 грамм бўлган 50 пакетчада кокаин топилди. Департаментнинг билдиришича, қўлга олинган шахс Қирғизистон ҳудудида гиёҳвандлик моддаларини сотишни режалаштирган.
Ички ишлар вазирлигининг аниқлик киритишича, республикада биринчи марта бундай йирик миқдорда кокаин мусодара қилинмоқда ва ушбу партиянинг қора бозорда бир грамми 500 дан 2000 долларгача баҳоланади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг