Қинғир ишнинг қийиғи чиқди
Фото: “Халқ сўзи”
Товар-моддий бойликларни юртимизга турли яширин йўллар билан олиб киришга ҳамда давлат бюджетига тушиши лозим бўлган божхона тўловларини қинғир йўллар билан тўламасликка бўлган уринишлар божхоначилар томонидан ўз вақтида бартараф этилмоқда.
Хусусан, Андижон вилояти “Дўстлик” чегара божхона пости орқали юртимизга кириб келган “VOLVO” русумли юк автотранспорт воситаси ўрнатилган тартибда божхона кўригидан ўтказилди. Натижада, автомашинада юк кузатув ҳужжатларида ёзиб кўрсатилганидан ортиқча бўлган умумий қиймати 1 млрд. 695 миллион сўмлик 5 хил турдаги товар моддий бойликлари борлиги аниқланди.
Ҳозирда мазкур ҳолат юзасидан божхона органлари томонидан терговга қадар текширув ҳаракатлари давом этмоқда.
Саминжон ҲУСАНОВ, “Халқ сўзи”.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг