Қатъий карантин чекловларига қарамасдан Зеленский туғилган кунини тантанали тарзда нишонлади
Украина президенти Владимир Зеленский пандемия сабабли жорий этилган карантин қоидаларига зид ҳолда зиёфат уюштирди. Бу ҳақда «Схема» дастури хабар берди.
25 январь куни давлат раҳбари 43 ёшга тўлган. Шу муносабат билан уюштирилган байрам 29 январь куни «Квартал-95» студияси ҳаммуаллифи Тимур Миндичнинг хонадонида бўлиб ўтган.
Мамлакатда 20 дан ортиқ одам иштирокидаги оммавий тадбирларни ўтказиш тақиқланган бўлишига қарамай, зиёфатга 30 га яқин меҳмон ташриф буюрган. Таъкидланишича, байрам иштирокчиларининг ҳеч бири 25 январдан 28 февралгача Украина ҳукумати томонидан белгиланган карантин чекловларига риоя қилмаган, яъни, мажбурий ниқоб режими ва 1,5 метр хавфсиз масофа қоидаларига амал қилинмаган.
Зиёфат деярли саккиз соат давом этган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг