Путин 7 ёшгача бўлган ҳар бир болага 5 минг рублдан беради
Путин Янги йилга қадар етти ёшгача бўлган ҳар бир болага совға тариқасида 5 минг рублдан беришни ваъда қилди. Бу ҳақда "Коммерсант" нашри хабар берди.
“Биз барча оилаларнинг 7 ёшгача бўлган фарзандларига 5 минг рублдан берамиз”, деди Владимир Путин катта матбуот анжуманида.
Анжуман коронавирус пандемияси туфайли видеоанжуман тарзида ўтказилди.
Росстат маълумотларига кўра, 2020 йил 1 январь ҳолатига кўра мамлакатда 0 ёшдан 7 ёшгача бўлган болалар 14,4 миллионни ташкил этган. Шундай қилиб, давлат Янги йилга қадар тўловлар учун тахминан 72 миллиард рубль сарфлайди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг