Фото: ХПК

Ўзбекистон Республикаси Ташқи ишлар вазирининг биринчи ўринбосари Илҳом Неъматов РИА Новости агентлиги мухбирига интервью берди. Унда Ўзбекистон — Россия ўртасидаги ҳамкорлик, ўзаро янги лойиҳалар, мамлакатимизнинг қўшни давлатлар, хусусан, Афғонистон билан муносабатлари, халқаро интеграция масалаларига тўхталиб ўтди. Шулар билан бир қаторда Ўзбекистоннинг Иккинчи Жаҳон уруши натижаларига нисбатан муносабати ўзгарганини таъкидлаб ўтди. Хусусан, мухбир томонидан "Маълумки, Шавкат Мирзиёев ҳам Россия президентидан 9 май Ғалаба кунини Москвада нишонлаш учун таклифнома олди. Ушбу таклиф қабул қилиндими?" деган саволига у шундай жавоб берди:

– Президентимиз шарофати билан Ўзбекистоннинг бу уруш натижаларига нисбатан муносабати тўлиқ ўзгарди. Агар олдинлари хотира ёдгорликлари кераксиз жойларга кўчирилган бўлса... Ҳозир эса Улуғ Ватан урушидаги ғалабанинг 75 йиллигини нишонлаш учун жуда катта тайёргарлик ишлари кетяпти. Биз уч йилдан бери 9 майни кенг миқёсда нишонламоқдамиз. Биз марказда Ғалаба боғини барпо этяпмиз. 
Табиийки, бу ерда байрам нишонланади.

Мен Владимир Владимирович Путиндан таклифнома борлигини биламан. Ўша ерда ҳамма йиғилади. Ўйлашимча, давлатимиз раҳбари ҳам  у ерга боради. Таклифнома бор, албатта, ушбу таклиф қабул қилинган.

– Яъни, президент Москвага келади, шундайми?

– Ҳа, 9 майда ўша ерда бўлади.