Попда аукциондаги корхона модернизациядан чиқарилди
Қудратилла Нажмиддинов/«Халқ сўзи». «Tashkent Trade Center» масъулияти чекланган жамияти «Ўзбекистон темир йўллари» АЖга тегишли. Бир неча йилдан буён самарасиз қувватда ишлаб келган кўмир брикет корхонаси негизида фаолият бошлади. Е-Аукцион оммавий савдо майдончаси орқали сотиб олинган объект замонавий ускуна ва жиҳозлар билан таъминланди. Қувватлар қайта тикланди. Маҳсулот сифати талаб даражасига кўтарилди.
— Янгиланган корхонада йилига 100 минг тонна кўмир брикети тайёрланади, — дейди Поп тумани ҳокимининг биринчи ўринбосари Шерали Қосимов. — Лойиҳа ижроси билан бу ердаги иш ўринлари кўпайиб, 150 тага етди. Янгиланган қувватларнинг фойдаланишга топширилиши туманимизда саноат ишлаб чиқариши ҳажмини 180 миллиард сўмга ортишини таъминлайди.
Айтиш керакки, Попда ишлаб чиқарилаётган кўмир брикетини ички бозордан ташқари, экспортга, жумладан, Европа давлатларига ҳам чиқариш режалаштирилган.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг