Пойтахтдаги яна бир кўчада транспорт ҳаракати қисман чекланади
Пойтахтдаги яна бир кўчада автомобиль ҳаракати қисман чекланади. Бу ҳақида Тошкент шаҳар ҳокимлиги хабар берди.
Унда айтилишича, дренаж қувурларини ётқизиш ишлари сабабли Кичик ҳалқа йўлининг Фарҳод кўчаси билан кесишмасида 4 октябрь соат 22:00 дан 5 октябрь соат 07:00 гача транспорт воситалари ҳаракати чекланади.
«Тирбандликлар ва ноқулайликларни камайтириш мақсадида қурилиш-таъмирлаш ишлари транспорт воситалари ҳаракатини тўлиқ тўхтатмаган ҳолда, йўл қисмларини қисман ёпиш орқали олиб борилади», — дейилади хабарда.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг