Пентагон Яқин Шарққа яна 10 минггача ҳарбий хизматчини юбориш имкониятини кўриб чиқмоқда
Пентагон Яқин Шарққа қуруқликдаги қўшинларнинг яна 10 минг нафаргача ҳарбий хизматчисини юбориш имкониятини кўриб чиқмоқда, деб ёзади The Wall Street Journal.
Қайд этилишича, ушбу кучлар минтақага аллақачон юборилган 5 мингга яқин денгиз пиёдалари ва 82-ҳаво-десант дивизиясининг минглаб десантчиларига қўшилади.
WSJ нашрининг ёзишича, Теҳрон билан музокаралар олиб борилаётгани ҳақидаги баёнотларга қарамай, бу ҳолат Америка етакчиси Дональд Трампга ҳарбий жиҳатдан кўпроқ ҳаракат эркинлигини тақдим этади.
Қарор келгуси ҳафтада қабул қилиниши мумкин. Пентагон Эронга «ҳал қилувчи зарба» беришнинг ҳарбий вариантларини ишлаб чиқмоқда, улар қуруқликдаги қўшинлардан фойдаланишни ва кенг кўламли бомбардимонларни ўз ичига олиши мумкин.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг