Карантиндан кейин, ижтимоий-иқтисодий муносабатлар туфайли (туризим, халқаро юк ташиш, қатновлар) мамлакатимизга халқаро қатновлар — йўл транспорти (автомобил, поезд ва самолёт) орқали яна кирди-чиқди бошланади. Шу муносабат билан мамлакатизмида қандай эпидемиологик тартиб-қоидалар ўрнатилади?

Шу масала бўйича халқаро тажриба ўрганиляптими? (Балки виза олишга ариза берганлардан уларни бирорта вирусга чалинмаганини текшириш каби баъзи давлатларда бўлганидек талаб қўйилиши керакдир? Ушбу саволга Бош давлат санитария инспектори Нурмат Oтабеков жавоб берди.

“Тўғри, карантин тугагандан кейин, ижтимоий-иқтисодий муносабатлар яна изига тушиб кетади. Мамлакатимизда автомобил, поезд ва самолётлар орқали ҳалқаро қатновлар, борди-келдилар бошлаб юборилади.

Коронавирус касаллигининг республикага кириб келиши, тарқалиши билан боғлиқ ҳолатлар чуқур таҳлил қилинади. Мавжуд меъёрий хужжатлар, жумладан санитария-гигиена ва эпидемияга қарши тадбирлар, санитария қоидалари, меъёрлари ва гигиеник нормативлар қайта кўриб чиқилади.

Албатта халқаро тажрибалар ҳамўрганиб чиқилади. Балки, дастлабки даврда фақат коронавирус йўқлигини тасдиқловчи хужжати бўлсагина, виза бериш тизими жорий қилинар.

Буни эса вақт ва эпидемик вазият кўрсатади.

Агар шу тизим жорий қилингудек бўлса ҳам, хорижлик фуқаронинг виза олган даври билан юртимизга келган даври коронавирус касаллигининг яширин даври (14 кун) билан бир-бирига мутаносиб бўлиши керак. Ҳар қандай тартибни амалиётга киритиш учун жуда жиддий ўйлаш ва ўрганишга тўғри келади”, дейди Oтабеков.