Ўзбекистонда ҳаво ҳарорати қачондан пасайиши айтилди
Фото: Акмал Муҳаммадов/«Халқ сўзи»
Ўтган ҳафта республика бўйича кузатилган кучли иссиқдан сўнг, 7-11 июль кунлари Ўзбекистон ҳудуди бўйича ҳаво ҳарорати аста-секин пасайиши кутилмоқда, деб хабар бермоқда «Ўзгидромет» агентлиги.
Билдирилишича, бугун, 7 июль куни кундузи ҳаво ҳарорати 36-41 даражани, 8-9 июль кунлари 33-38 даражани, 10-11 июлда эса 31-36 даражани ташкил этади. Ўзбекистон жанубида ҳам ҳарорат пасаяди ва иш ҳафтасининг охирига келиб ҳарорат 37-40 даражани ташкил этади.
Республика ҳудудининг катта қисмида ёғингарчилик кутилмайди. Фақат Фарғона водийси вилоятларида, шунингдек тоғ олди ва тоғли ҳудудларда 9-10 июль кунлари қисқа муддатли ёмғир ёғиши эҳтимоли бор.
Республика бўйича баъзи жойларда шамол тезлиги 13-18 м/с гача кучайиши, чанг-тўзонлар билан кузатилиши мумкин.
Тошкент шаҳрида ҳаво бироз булутли, вақти-вақти билан ўзгарувчан бўлади, ёғингарчилик кутилмайди. 7 июль куни ҳарорат асосан 39-41 даража, 8-9 июлда 35-38 даража, 10-11 июлда 32-37 даража бўлади.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг