Ўзбекистонда энг кўп картошка ҳосили қаерда етиштирилгани маълум бўлди
Архив фото
2023 йилнинг январь-июнь ойларида барча тоифадаги хўжаликлар томонидан қарийб 1,7 млн тонна картошка етиштирилган. Бу ҳақда Статистика агентлиги хабар бермоқда.
Бу кўрсаткич 2022 йилнинг мос даври билан солиштирганда 3,3 %га ошган.
Картошка етиштириш бўйича ҳудудлар ўртасида пешқадамликни Самарқанд вилояти эгаллади. Етиштирилган картошка умумий ҳажмининг 18,5 % Самарқанд вилояти ҳиссасига тўғри келган.
Шунингдек, юқори улуш Сурхондарё (13,5 %), Фарғона (12,0 %), Андижон (11,2 %) ва Бухоро (10,2 %) вилоятларида ҳам қайд этилган.
Картошка етиштиришнинг умумий ҳажмидаги улушининг энг паст кўрсаткичлари Жиззах вилояти (0,7 %) ва Қорақалпоғистон Республикаси (1,7 %)га тўғри келгани кузатилди.
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг